Dünya

Təcili tapşırıq: İranın hücumuna hazır olun!

20 Fevral 2021 14:53
Baxış: 983

İranın su qaynaqlarımıza ehtimal edilən hücumuna hazır olmalıyıq.

Milli.Az axar.az-a istinadən xəbər verir ki, bu sözləri İsrailin milli infrastruktur, energetika və su ehtiyatları naziri Yuval Steinitz keçirdiyi iclasda deyib.

İclasda iştirak edən səlahiyyətli nümayəndələr su infrastruktur sistemlərinin kiber hücumlara qarşı hələ də qeyri-kafi olduğunu bildiriblər. Vurğulanıb ki, milli su şirkəti "Mekorot" lazımi texnoloji tədbirləri görüb, nazirlik vəsait də ayırıb, ancaq yerli su idarələri hazırlıq işlərini həyata keçirməyib.

Nazir kiber təhlükəsizliyi və mümkün hücumlara hazırlığı artırmaq üçün təcili addımlar atmağı tapşırıb.

Qeyd edək ki, 2020-ci ilin aprelində İranın ABŞ-ın hakerləri vasitəsi ilə İsrailin təmiz su obyektlərinə kiber hücumlar etdiyi iddia edilib

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.