Dünya

Kapitoliyanın təhlükəsizliyini qoruyan Milli Qvardiyanın yüzlərlə hərbçisi koronavirusa yoluxub

23 Yanvar 2021 11:28
Baxış: 533

6 yanvar iğtişaşlarından sonra paytaxt Vaşinqtona göndərilən yüzlərlə ABŞ-ın milli qvardiya əsgəri koronavirus xəstəliyinə tutulub və şəhər otellərində karantina alınıblar.

Trend TASS-a istinadən xəbər verir ki, ABŞ Senatının profil komitəsi hazırda vəziyyəti araşdırır.

Məlumata əsasən, qvardiyaçılar bildiriblər ki, virusa qarşı kifayət qədər tədbirlər görülməyib. Paytaxta gələn əsgərlərin əksəriyyəti koronavirus testindən keçməyib. Bəzi hərbçilərin yalnız hərarətləri ölçülüb və yoluxanlarla mümkün əlaqə barədə soruşulub. Bundan əlavə, hərbçilər dar şəraitdə iolduqları və sosial məsafəni qorumadıqları bildirilir. Qvardiyaçıların əksəriyyətinin Vaşinqtona gəlmədən əvvəl yoluxmaları ehtimal edilir.

Xatırladaq ki, hazırda ölkə paytaxtında 6 yanvar iğtişaşlarından sonra yerli hüquq-mühafizə orqanlarına küçələrdə asayişi təmin etməyə kömək üçün Vaşinqtona çağrılan 26 000 milli qvardiya hərbçisi yerləşdirilib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.