PUL
ABŞ səlahiyyətliləri Çinin "ByteDance" şirkətinin "TikTok" sosial şəbəkəsinin amerikan seqmentini satmaq üçün müqavilə bağlamalı olduğu müddətin uzadılmamasına qərar verdi.
Milli.Az Trend-ə istinadən bildirir ki, bu barədə "Reuters" agentliyi xəbər verib.
Bildirilir ki, sözügedən müddət dekabrın 4-də bitib və ABŞ federal hökuməti onu yeniləməməyə qərar verib. Bununla belə, Vaşinqton "TikTok"un yerli seqmentinin taleyi ilə bağlı "ByteDance" ilə danışıqların davam etdirilməsini istisna etmir.
Daha əvvəl ABŞ səlahiyyətliləri Çin tərəfi satışdan imtina edərsə, 12 noyabr tarixindən etibarən "TikTok"un işinə ciddi məhdudiyyətlər tətbiq etməyi planlaşdırıb. Lakin Vaşinqton administrasiyası "ByteDance" şirkətinə 27 noyabr tarixinə qədər 15 günlük güzəşt müddətinin verilməsi və daha sonra bu müddətin bir həftə - dekabrın 4-dək uzadılması qərarını verib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
