Dünya

Türkiyədə koronavirus infeksiyasının yayılmasının qarşısının alınmasına görə sərt tədbirlərə başlanılıb

22 Noyabr 2020 02:30
Baxış: 994
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyədə yeni növ koronavirus (COVID-19) infeksiyasına yoluxma və gündəlik ölüm sayında sürətli artım davam etməkdədir. Hökumətin, ölümcül pandemiyanın yayılma riskini azaltmaq məqsədilə tətbiq etdiyi sərt qadağalar noyabrın 21-dən qüvvəyə minib. Məhdudiyyətlərin bir qismi şənbə və bazar günlərini əhatə edəcək. Bu gün Türkiyə vaxtı ilə saat 20.00-da başlanan evdən çıxmaq qadağası sabah saat 10.00-a qədər qüvvədədir. Eyni qadağa bazar günü də göstərilən saat intervalında tətbiq olunacaq.

Milli.Az AZƏRTAC-a istinadən bildirir ki, noyabrın 21-də Türkiyədə 152 min 214 nəfər testdən keçirilib. Onlardan 5 min 332 nəfərin testinin nəticəsi müsbət çıxıb. Gün ərzində bu xəstəlikdən 135 nəfər ölüb, 3 min 233 nəfər isə sağalıb. Ölkə üzrə indiyədək infeksiyadan ölənlərin ümumi sayı 12 min 219 nəfərə çatıb. Bu gün infeksiya aşkarlananlar dünənki ilə müqayisədə 229 nəfər çoxdur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.