Dünya

Bu il qlobal neft tələbatı sutkada 90,2 milyon barrel olacaq

14 Oktyabr 2020 22:10
Baxış: 493

Cari ildə qlobal xam neft tələbatı ötən ilə görə 9 milyon 470 min barrel azalaraq sutkada 90 milyon 290 min barrel təşkil edəcək.

Milli.Az AZƏRTAC-a istinadən bildirir ki, bu barədə OPEC-in aylıq hesabatında deyilir.

Bildirilir ki, 2021-ci ildə neft tələbatı cari illə müqayisədə 6 milyon 540 min barrel artaraq gündəlik 96 milyon 840 min barrelə çatacaq.

Bu il OPEC-ə üzv ölkələrin neft tələbatı isə keçən ilə nisbətən 7 milyon azalaraq sutkada 22 milyon 400 min barrelə olacaq. Gələn il OPEC ölkələrinin neft tələbatı cari illə müqayisədə 5 milyon 600 min barrel çoxalaraq gündəlik 27 milyon 900 min barrelə yüksələcək.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.