Dünya

BMT və Britaniya sammit keçirməyi planlaşdırır

24 Sentyabr 2020 08:03
Baxış: 632
VTB-də minimal faiz dərəcəsi ilə nağd kredit 9.9%-dən
#DÜNYADA

Britaniya və BMT dekabrın 12-də iqlim dəyişikliyinə qarşı mübarizə sammiti keçirəcək.

Milli.Az Trend-ə istinadən bildirir ki, bu barədə BMT-nin mətbuat xidmətindən xəbər verilib.

Görüş Paris iqlim sazişinin imzalanmasının beşinci ildönümünə təsadüf edəcək.

"Son araşdırmalar istixana qazlarının konsentrasiyasının rekord səviyyəyə çatdığını göstərir. Bununla əlaqədar BMT-nin Baş katibi Antoniu Quterriş və İngiltərənin Baş naziri Boris Conson 12 dekabrda keçiriləcək dünya liderlərinin görüşünün həmsədrləri olaraq çıxış edəcəklər", - beynəlxalq təşkilatdan bildirilib.

Tədbirin əyani və ya virtual formatda keçiriləcəyinə aydınlıq gətirilməyib.

Paris Sazişi 12 dekabr 2015-ci ildə iqlim dəyişikliyinə dair Çərçivə konvensiyasının 21-ci konfransından sonra qəbul edilib. Sazişə əsasən iştirakçı ölkələr planetdəki ortalama hərarətin sənaye öncəsi dövrlə müqayisədə 2100-cü ilədək Selsi üzrə iki dərəcədən çox artmasının qarşısını almaq razıliğına gəliblər. Sənəd xüsusilə istixana qazlarının azaldılmasını nəzərdə tutur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.