Dünya

Anant Ambani dünyanın ən bahalı saat kolleksiyasına sahibdir - (Foto)

13 Sentyabr 2026 21:24

Baxış: 209

VTB-də minimal faiz dərəcəsi ilə nağd kredit 9.9%-dən

#HİNDİSTAN

Hindistanlı milyarderi Mukeş Ambaninin oğlu Anant Ambaninin "Patek Philippe" saat kolleksiyasının ümumi dəyərinin 25 milyon dollardan çox olduğu bildirilir.

Milli.Az xəbər verir ki, onun kolleksiyasında məşhur İsveçrə istehsalçısının ən nadir və mürəkkəb saat modelləri yer alır.

Bunlar arasında daşlarla bəzədilmiş "Nautilus" modelləri, eləcə də "Grand Complications" seriyasına aid nadir saatlar var. Kolleksiyanın diqqətçəkən nümunələri sırasında "Grandmaster Chime 6300G-010", "Grand Complication 6002G", "Grand Complication 6002R" və brilyantlarla bəzədilmiş 5374/300P modelləri göstərilir.

Ambaninin kolleksiyasında "5990/1422G" və göy qurşağı rəngli daşlarla bəzədilmiş "5260/1455R Nautilus" modelləri də xüsusi yer tutur.

Məlumata görə, ayrı-ayrı saatların qiyməti təxminən 1,3 milyon dollardan 8,5 milyon dollara qədər dəyişir. Yalnız təqdim olunan modellərin ümumi dəyərinin 25 milyon dollardan çox olduğu təxmin edilir.

Anant Ambaninin kolleksiyası nadirlik, yüksək saatçılıq sənəti və qeyri-adi sənətkarlığın bir araya gəldiyi dəbdəbəli saat kolleksiyalarından biri kimi diqqət çəkir. (Axşam.az)

Müəllif: Ülkər Vəliyeva (Milli.Az redaktor)