Dünya

Daimler şirkəti ABŞ-a 1,5 milyard dollar cərimə ödəyəcək

15 Sentyabr 2020 21:08
Baxış: 624

Avtomobil istehsalçısı Daimler AG və filial şirkət Mercedes-Benz USA emissiya fırıldaqçılığı iddialarının aradan qaldırıması üçün ABŞ hökuməti və Kaliforniya ştatının tənzimləyicilərinə 1,5 milyard dollar məbləğində cərimə ödəməyə razılıq verib. Bu barədə ABŞ rəmilər bazar ertəsi məlumat verib.

ABŞ Ədliyyə Nazirliyi, Ətraf Mühitin Mühafizəsi Agentliyi (EPA) və Kaliforniya Baş Prokurorluğu Daimler-in emissiya sınaqlarını aşmaq üçün "proqram təminatından" istifadə etməklə ətraf mühit qanunlarını pozub. Şirkət ABŞ-da bu cür proqramla təhciz edilmiş dizel mühərrikli təqribən 250.000 avtomobil və mikroavtobusu sataraq federal və ştat qanunlarını pozub.

Rəsmilər razılaşmaya həmçinin mülki cərimələrin, eləcə də Daimler-dən avtomobilləri təmir edilməsi tələbinin də daxil edildiyini bildirir.

Baş ofisi Ştutqartda yerləşən Almaniya istehsalçı 13 avqust tarixində Ədliyyə Nazirliyi, Ətraf Mühitin Mühafizəsi Agentliyi, Gömrük və Sərhəd Mühafizəsi, Kaliforniya Hava Resursları Şurası və digərləri ilə təxminən 250.000 dizel avtomobil və mikroavtobusu əhatə edən mülki və ətraf mühit iddiaları ilə bağlı müqavilələr imzaladığını bildirib.

Bununla birlikdə Ətraf Mühitin Mühafizəsi Agentliyinin administratoru Endrü Veler Daimler-in "emissiya nəzarətini aşmaq üçün hazırlanmış cihazlar" da daxil olduğu bütün proqramlarını açıqlamadığını bildirib.

Digər tərəfdən isə Daimler verdiyi açıqlamada fırıldaqçılıqla bağlı iddalarla razılaşmadığını və ABŞ-da heç bir məsuliyyət qəbul etmədiyini bildirir. Şirkət Mercedes və Daimler-ə məxsus avtomobillərdə bu kimi cihazlardan istifadə olunduğu müəyyən edilmədən mülki iddialarla bağlı prosedurla həll edildiyini bildirir. Üstəlik şirkət Ətraf Mühitin Mühafizəsi Agentliyi və ya Kaliforniya tənzimləyiciləri tərəfindən Təmiz Hava Qanununun pozulması barədə bir bildiriş almadığını deyir.

Daimler ABŞ-dakı avtomobillərdəki emissiyalara nəzarət sisteminin fərqli tənzimləmə və hüquqi tələblər səbəbindən Avropada satılan modellərdən fərqli olduğunu bildirir.

Şirkət razılaşmanın 1,5 milayrd dollara başa gələcəyini bildirir. Lakin məsələ mülki yolla həll olunarsa, şirkət 875 milyon dollar birdəfəlik ödəniş etməlidir.

ABŞ Baş prokurorunun müavini Ceffri Rozen bildirib ki, razılaşmada nəzərdə tutulmuş maliyyənin məbləği güman ki, digər şirkətlərə oxşar davranışlardan çəkinmək üçün bir mesaj göndərəcək.

"Bu ödənişin gələcəkdə ölkəmizdə havanın çirklənməsinə dair qanunları pozmağa meylli olanların qarşısını almağa da xidmət edəcəyini gözləyirik" - deyə Rozen əlavə edib.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.