Dünya

Məşhur şirkət cərimələndi

15 Avqust 2020 11:42
Baxış: 1 479
VTB-də minimal faiz dərəcəsi ilə nağd kredit 9.9%-dən
#DÜNYADA #LEXUS

Azərbaycanda bir çox məşhur ticarət  və istirahət mərkəzlərinin tikintisini həyata keçirən "Kontinent İnşaat" şirkəti polisin sorğusuna cavab vermədiyi üçün cərimələnib.

Milli.Az qafqazinfo-ya istinadən xəbər verir ki, şirkətin mülkiyyətində olan "Lexus LS460" markalı avtomobili idarə edən şəxs yol hərəkəti qaydalarını pozub və təhlükəsizlik şəhər kamerası vasitəsilə pozuntu qeydə alınıb. Həmin pozuntu haqqında İnzibati Xətalar Məcəlləsinin 327.1-ci maddəsi ilə protokol tərtib olunub. Daha sonra hadisənin qeydə alındığı rayon üzrə Binəqədi rayon Polis İdarəsi tərəfindən "Kontinent İnşaat" şirkətinə sorğu göndərilərək inzibati xətanın törədilməsi zamanı nəqliyyat vasitəsini idarə etmək hüququna malik fiziki şəxs barədə məlumat verilməsi xahiş olunub. 

Lakin şirkət həmin sürücünün kimliyi barədə sorğuya cavab vermədiyi üçün İnzibati Xətalar Məcəlləsinin 347-ci maddəsi ilə məsuliyyətə cəlb olunub. 

Binəqədi Rayon Polis İdarəsi "Kontinent İnşaat" şirkətinin sürücü haqqında məlumat vermədiyinə görə inzibati məsuliyyətə cəlb olunması üçün məhkəməyə müraciət edib. 

Binəqədi Rayon Məhkəməsinin qərarı ilə şirkət İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməkdə təqsirli bilinərək 300 manat məbləğində cərimə olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.