Dünya

Milyonluq qarət - Koronavirusa yoluxan ən varlı iş adamlarından biri "soyuldu"

7 Avqust 2020 02:02
Baxış: 948

Rusiyanın paytaxtı Moskvada milyonluq qarət olub.

Milli.Az xəbər verir ki, hüquq-mühafizə orqanlarındakı mənbə qarətin iş adamı Oleq Tinkov və həyat yoldaşı Rina Vosmana aid kotecdə olduğunu bildirib.

Rusiya Daxili İşlər Nazirliyinin Moskva Baş İdarəsinin mətbuat xidmətindən verilən məlumata görə, naməlum şəxs kotecin plastik qapılarını açmağa nail olub və evdən bir milyon rubldan çox pul götürüb.

Faktla bağlı oğurluq maddəsi ilə cinayət işi başlanıb.

Qeyd edək ki, kotec sahibi Oleq Tinkov qan xərçəngindən əziyyət çəkir. O, bir müddət əvvəl koronavirus xəstəliyinə yoluxub və iyulun əvvəlində müalicə üçün İngiltərəyə yollanıb.

Tinkov məişət texnikası mağazaları şəbəkəsi, "Darya" fabrikləri, pivə istehsalı şirkəti və "Tinkoff" restoran şəbəkəsinin qurucusudur. O, Rusiyanın ən varlı iş adamları siyahısında 1,7 milyard dollar sərvəti ilə 2019-cu ildə 47-ci sırada qərarlaşıb. (publika.az)

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.