Dünya

Çin şirkəti "Louis Vuitton"a 1,5 milyon dollar təzminat ödəyəcək

4 İyul 2026 18:09

Baxış: 371

VTB-də minimal faiz dərəcəsi ilə nağd kredit 9.9%-dən

#CHİNA #MODA #DƏB

Çin məhkəməsi "Louis Vuitton Malletier" şirkətinin əmtəə nişanından qanunsuz istifadə etdiyinə görə, Çinin "Molly Tea" çay istehsalı şirkətiniт 10.3 milyon yuan (təxminən 1.5 milyon dollar) təzminat ödəməsi barədə qərar çıxarıb.

Milli.Az oxu.az-a istinadən xəbər verir ki, bu barədə "Fengmian" internet nəşri məlumat yayıb.

Bildirilib ki, Çin şirkəti məhkəmənin bu qərarından şikayət etmək niyyətindədir.

Suçjou şəhər məhkəməsi müəyyən edib ki, südlü çay istehsalçısı və onun filialı "Louis Vuitton Malletier"ə məxsus qeydiyyatdan keçmiş yeddi əmtəə nişanı üzrə müstəsna hüquqları pozub.

Məhkəmənin qərarına əsasən, Fransa brendinə dəymiş iqtisadi ziyana görə 10 milyon yuan, hüquqların müdafiəsi xərclərinə görə isə 300 000 yuan (təxminən 44 200 dollar) ödənilməlidir. Eyni zamanda, mağazanın özünün də 100 000 yuan (təxminən 14 700 dollar) məbləğində kompensasiya ödəməsi tələb olunur. Bundan əlavə, "Molly Tea" şirkəti əmtəə nişanı ilə bağlı yaranmış vəziyyətə aydınlıq gətirən rəsmi bəyanat yaymalıdır.

Xatırladaq ki, "Louis Vuitton Malletier" 2025-ci ilin may ayında "Molly Tea"yə qarşı məhkəmə iddiası qaldırıb. Buna səbəb Çin şirkətinin loqotipindəki dördləçəkli gül forması ilə "Louis Vuitton"un firma ornamenti arasındakı bənzərlik olub.

Müəllif: Tural Hüseyn (Milli.Az redaktor)