Dünya

Eyfel qülləsinin işıqları Livan üçün söndürüləcək

5 Avqust 2020 19:40
Baxış: 538

Livanın paytaxtı Beyrutda baş vermiş güclü partlayış nəticəsində həlak olanların xatirəsinə Parisdə Eyfel qülləsinin işıqları söndürüləcək.

Milli.Az Trend-ə istinadən bildirir ki, bu barədə Fransa paytaxtının meri Ann İdalqo bildirib.

Bu addım Fransa vaxtı ilə gecəyarısında baş tutacaq.

Bundan başqa, Paris şəhər meriyası Livana 100 min avro məbləğində yardım yollayacaq.

Qeyd edək ki, ötən gün Beyrutun dəniz limanında güclü partlayış baş verib. Partlayış nəticəsində 100-dən çox şəxs həlak olub, 4 min nəfər isə xəsarət alıb.

Partlayış limanın 2700 ton ammonyak selitrası (ammonium nitrat duzu) saxlanılan anbarında qaynaq işləri aparılarkən baş verib.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.