Dünya

Gürcüstanda 250 nəfərdən çox yerli sakin və turist təbii fəlakət zonasından təxliyə olunub

2 Avqust 2020 19:54
Baxış: 1 150
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gürcüstanda təbii fəlakət bölgəsindən əhalinin təxliyəsi başa çatıb, təbii fəlakətin nəticələrinin aradan qaldırılması işləri davam etdirilir.

Milli.Az AZƏRTAC-a istinadən bildirir ki, artıq 250 nəfərdən çox yerli sakin və turist helikopterlərin köməyi ilə Raça bölgəsindəki təbii fəlakət zonasından təhlükəsiz ərazilərə çatdırılıb.

Gürcüstan Daxili İşlər Nazirliyinin Fövqəladə Halların idarə Olunması Mərkəzinin yaydığı məlumatda deyilir ki, ətraf mühitlə əlaqəsi tam kəsilmiş 12 kənddən 7-si ilə əlaqə qismən təmin olunub. Beş kənd ilə hələ də helikopterlərlə əlaqə saxlanılır.

Qeyd edək ki, iyulun 29-da yağan güclü leysan yağışları nəticəsində Raça bölgəsindəki Rioni çayı məcrasından çıxıb. Nəticədə Oni bələdiyyəsindəki daxili yollar, beynəlxalq əhəmiyyətli magistral yollar və 10 körpü dağılıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.