Dünya

Beynəlxalq təşkilatdan PROQNOZ - Yaxın 5 ildə...

10 İyul 2020 15:29
13 Şərh     Baxış: 2 392
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qlobal orta temperatur növbəti beş ildə 1850-1900-cü illərdən əvvəlki sənaye səviyyəsindən ən az bir dərəcə yüksək olacaq və bir ildə bu göstərici 1,5 dərəcəni keçə bilər.

Milli.Az xəbər verir ki, Ümumdünya Meteorologiya Təşkilatının mütəxəssisləri bu barədə iqlim dəyişikliyi proqnozunda məlumat verib.

Qurumun Baş katibi Petteri Taalasın dediyinə görə, planetdəki orta illik temperatur sənaye dövründən əvvəlki dövrlə müqayisədə 1 dərəcədən çoxdur və son beş il ən isti dövr olub:

"İqlim Dəyişikliyi üzrə Paris Sazişinin məqsədlərinə çatmaq üçün qarşıda çətin vəzifələrimiz var. İnsanlar qlobal temperaturun artımını iki dərəcədən aşağı saxlamalı və istiliyin artımını 1,5 dərəcəyə qədər məhdudlaşdırmağa davam etməlidirlər".

İqlim proqnozunda koronavirus epidemiyası nəticəsində istixana qazı və aerozol tullantılarının həcmində dəyişikliyin nəzərə alınmadığı qeyd olunur. ÜMT-nin baş katibi qeyd edib ki, dünyada pandemiya və məhdudiyyətlər səbəbindən sənayedə, iqtisadiyyatda baş verən tənəzzül bu sahədə davamlı, uyğunlaşmış təsirləri aradan qaldıra bilməz.

"Atmosferdə CO2-nin çox olması səbəbindən mütəxəssislər bu il tullantıların azaldılmasının nəticələrinin havada konsentrasiyasının azalmasına səbəb olmayacağını gözləyirlər" Taalas əlavə edib.

O, pandemiyanın iqtisadiyyata mənfi təsir göstərməsinə baxmayaraq, ölkələrin fürsətdən istifadə etməli və iqlim tədbirlərini öz proqramlarına daxil etməli olduqlarını söyləyib. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.