Dünya

Ruhani: "Virusla yaşamağa hazırlaşmaq lazımdır"

29 Mart 2020 17:07
0 Şərh     Baxış: 2 033
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranda koronavirusun yeni növü ilə yaşamağa hazırlaşmaq lazımdır.

Bunu İran prezidenti Həsən Ruhani koronavirusla mübarizə komitəsinin iclasında deyib. Bu barədə Trend IRINN-ə istinadən məlumat verib.

H.Ruhaninin sözlərinə görə, bu virus müalicəsi və ya vaksini tapılanadək bir və ya iki il davam edə bilər.

İran prezidenti deyib ki, İranda koronavirusun maksimum səviyyəsi Novruz bayramı istirahət günlərindən sonra bəlli olacaq.

Ruhani əlavə edib ki, bəzi vilayətlərdə maksimum səviyyə arxada qalsa da, bəzi vilayətlərdə vəziyyət hələ də ağırdır.

İran Səhiyyə, Müalicə və Tibbi Təhsil Nazirliyi ötən günədək (28 mart) 35 408 nəfərin yeni koronavirusa yoluxduğunu, 2 507 nəfərin öldüyünü və 11 679 nəfərin sağaldığını təsdiqləyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.