Dünya

İran bu gündən bioloji silahdan müdafiə manevrlərinə başlayır

25 Mart 2020 10:06

26 Şərh Baxış: 4 750

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN

İranda koronavirusa yoluxanların sayı 24 min 811-ə çatıb.

Milli.Az virtualaz.org-a istinadla bildirir ki, bu barədə İranın Səhiyyə Nazirliyi məlumat yayıb. Məlumatda o da xatırladılıb ki, koronavirusdan ölənlərin sayı isə 1934-ə yüksəlib.

Bu arada Səhiyyə nazirinin müavini Əlirza Rəisi jurnalistlərə bildirib ki, 12 elmi tədqiqat mərkəzində yeni virusa qarşı vaksinin yaradılması istiqamətində alimlər iş aparırlar. Onun sözlərinə görə, iranlı alimlər yeni təkliflərlə Ümumdünya Səhiyyə Təşkilatı tərəfindən aparılan tədqiqatlara qoşulacaqlar.

İran Prezidenti isə bir daha bəyan edib ki, ABŞ-ın sanksiyaları virusla mübarizə aparmaq imkanlarını məhdudlaşdırır. Prezident bildirib ki, İran bir tərəfdən koronovirusla, digər tərəfdən isə sanksiyalarla mübarizə aparır.

İran İslam İnqilabı Keşikçiləri Korpusunun (Sepah) generalı Məhəmməd Pakpur bildirib ki, ölkəsi martın 25-də bioloji silahdan müdafiə manevrlərinə başlayacaq. Manevrlər zamanı Tehran da daxil olmaqla böyük şəhərlərdə dezinfeksiya işləri həyata keçiriləcək.

Milli.Az