Dünya

Çindən xaricə turist qrupları göndərilməsi dayandırılır

25 Yanvar 2020 23:51
0 Şərh     Baxış: 1 025

Çinin hakimiyyət orqanları koronavirusun yayılmasının qarşısını almaq üzrə tədbirlər çərçivəsində xaricə turist qrupları göndərilməsini dayandırmağı qərara alıb.

Milli.Az AZƏRTAC-a istinadən bildirir ki, turist qruplarının uçuşları yanvarın 27-dən dayandıracaq. Artıq bazar günündən etibarən turizm agentləri vasitəsilə aviabiletlər almaq və xaricdə otel sifariş etmək mümkün olmayacaq.

Son məlumatlara görə, Çində "Uxan" koronavirusuna yoluxanların sayı 1370 nəfərə çatıb. Bundan başqa, ÇXR hüdudlarından kənarda 28 yoluxma hadisəsi qeydə alınıb. Virusdan 41 ölüm halının hamısı Çində baş verib.

Xatırladaq ki, dekabrın sonlarında Xubey vilayətinin Uxan şəhərində sətəlcəm baş qaldırıb. Sonradan xəstəliyə koronavirusun indiyədək görünməmiş növünün səbəb olduğu aydınlaşıb.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.