Dünya

Alman radarları F-35-ləri yaxaladı - ABŞ-a böyük şok

2 Oktyabr 2019 14:12

0 Şərh Baxış: 2 526

#ALMANİYA #ABŞ

Almaniyanın Hensoldt şirkəti yeni nəsil radarları ilə "görünməz əfsanə" kimi təqdim edilən F-35 təyyarələrini 160 kilometr boyunca müşahidə etdiyini açıqlayıb.

Milli.Az teleqraf.com-a istinadən xəbər verir ki, ABŞ liderliyində istehsal edilən 5-ci nəsil F-35-lərin radar tərəfindən yaxalanmasının mümkünsüzlüyü iddia olunurdu.

Hensoldt şirkətinin F-35-ləri radar vasitəsilə tutduğu haqda informasiyanı ABŞ-ın C4isrnet internet resursu açıqlayıb.

Xəbərə görə, Hensoldt şirkəti yeni nəsil radarlarını test etmək məqsədilə F-35-lərin Arizonada Luke hava bazasından Berlinə uçacağı 2018-ci il tarixini seçib. TvInvis radar sistemləri Berlin hava limanı yaxınlığında yerləşdirilib. Alman radarları F-35-lər Berlinə uçmazdan əvvəl aktivləşdirilib. Beləcə radar sistemləri havada baş verən bütün hadisələri izləməyə başlayıb. F-35-ləri təspit etdiyinə nail olduğunu bəyan edən Almaniya şirkəti əlavə edib ki, əfsanə hesab olunan F-35-ləri 160 kilometr boyunca müşahidə altına ala bilib.

F-35-ləri istehsal edən ABŞ-ın Lockheed Martini şirkətinin sözçüsü Mixail Friedman isə bəyanatla çıxış edib. F-35-lərin sülh məqsədilə reflektor-səsli dinləmə ilə uçduğunu bəyan edən Friedman bu tətbiqin məxfilik gətirməyən xidmətlər zamanı təyyarənin izlənməsinə səbəb olduğunu xatırladıb.

Alman Hensoldt şirkəti isə radarlarının passiv olması səbəbilə siqnal yaymadığını, bu səbəbdən də siqnal reflektor sisteminin açıq və ya qapalı olmasının bir əhəmiyyət daşımadığını elan edib. Şirkət əlavə edib ki, yeni nəsil radarların siqnalları havadakı obyektə dəyib geri dönmə prinsipi ilə işləmir.

Milli.Az