Dünya

Suriyada daha 28 nəfər öldürülüb

6 Noyabr 2011 12:14

0 Şərh Baxış: 1 095

VTB-də minimal faiz dərəcəsi ilə nağd kredit 9.9%-dən

#SYRİAN ARAB REPUBLİC

Suriyada anti-hökumət nümayişçiləri ilə baş vermiş ən son toqquşmalarda azı 28 nəfər ölüb. bu barədə hüquq müdafiəçiləri məlumat veriblər. Müxalifət qrupları ölkənin qərbindəki Homs şəhərində partlayış və güclü atışma səslərinin eşidildiyini xəbər verib. Anti-hökumət nümayişləri Homsla yanaşı, İdlib, Daraa, Deir Əzzor şəhərləri və paytaxt Dəməşqin yaxınlığında keçirilib.

Ərəb Ölkələri Liqası anti-hökumət nümayişçilərinə qarşı zorakılıq hallarını bir daha pisləyib və xəbərdarlıq edib ki, Suriya hökuməti bir neçə gün əvvəl təşkilatla əldə olunmuş razılaşmanı yerinə yetirməsə və xarici müşahidəçiləri ölkə ərazisinə buraxmasa, regionda böhran yarana bilər.

Eyni zamanda Suriyanın rəsmi "Arab News" agentliyinin yaydığı məlumata görə, hərbi hospitallarda 22 ölü tapılıb. Onlar Homs, Dəməşq və Daraada silahlı qruplaşmalar tərəfindən öldürülən dinc sakinlər və hərbçilərdir. Bundan başqa, Suriya rəhbərliyi Qurban bayramı ilə əlaqədar 553 məhbusun sərbəst buraxıldığını bəyan edib. Ancaq bu məlumatı da hələlik təsdiqləmək mümkün olmayıb.

Suriya müxalifətinin verdiyi məlumata görə, martda Bəşər Əsəd hökumətinə qarşı etirazların baş qaldırmasından bəri 3800-dən çox adam ölüb.

Milli.Az