Dünya

Türkiyənin qərbində zəlzələ - İnsanlar təşvişə düşüb

29 Avqust 2019 11:29
0 Şərh     Baxış: 548

Türkiyənin qərbindəki Antalya əyalətinin Akseki şəhərində 3,5 bal gücündə zəlzələ baş verib.

Milli.Az Trend-ə istinadən xəbər verir ki, zəlzələnin ocağı altı kilometr dərinlikdə yerləşib. Titrəmələr qonşu əyalətlərdə də hiss olunub.

Zəlzələnin yerli vaxtla 06:03-də baş verdiyi qeyd olunur. Xəsarət alan olmasa da, zəlzələ yerli əhali arasında təşvişə səbəb olub.

Daha əvvəl Boğaziçi Universiteti Kandilli Zəlzələ Araşdırma İnstitutu və Rəsədxanası İstanbulda 7,5 bal gücündə bir zəlzələ olacağını proqnozlaşdırmışdı.

Xatırladaq ki, Türkiyə seysmik cəhətdən aktiv zonada yerləşir və burada zəlzələlər olduqca tez-tez, çox vaxt insan tələfatı ilə baş verir. Bu ölkədə yer qabığının ən güclü dalğalanmaları 1999-cu ildə Mərmərə dənizi bölgəsində qeydə alınıb. Yeraltı təkanların miqyası 7,4-ə bərabər olub. Təbii fəlakət nəticəsində təxminən 18 min insan ölüb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.