Türkiyənin Bursa şəhərində dünən baş verən rəzalətin eynisi bu dəfə Kocaeli şəhərində qeydə alınıb.
Paltar mağazasında soyunan qızın ÇILPAQ BƏDƏNİNİ gizli kameraya çəkdi - FOTO
Milli.Az Milliyet-ə istinadən xəbər verir ki, İzmit qəsəbəsində yerləşən bir mağazanın paltardəyişmə otağında bəyəndiyi geyimi yoxlamaq üçün soyunan 19 yaşlı qızı kabinənin altından keçirdiyi mobil telefonu ilə çəkən şəxs saxlanılıb.
Məlumata görə, S.D. adlı gənc qız kabinədə paltarını soyunarkən telefonuyla bir şəxsin onu çəkdiyini görüb. Qızın qışqırığından şübhəli hadisə yerindən qaçıb. Qız dərhal vəziyyəti mağaza mühafizəçilərinə bildirib. Onlar da olayla bağlı polisi məlumatlandırıblar.
Hadisə yerinə gələn polis əməkdaşları təhlükəsizlik kameraları vasitəsi ilə şübhəlinin şəxsiyyətini araşdırıblar.
Araşdırma zamanı qızın çılpaq halını mobil telefonu ilə gizli çəkən şəxsin T.E.(19) olduğunu müəyyən ediblər.
Şübhəli saxlanılaraq polis idarəsinə aparılıb. İstintaq davam edir.
Məhəmməd Vaqif
Milli.Az