Dünya

Ukraynada parlament seçkilərində ilk 4 saatda seçicilərin 13,61 faizi səs verib

21 İyul 2019 14:43
0 Şərh     Baxış: 602

14:43

Yerli vaxtla saat 12:00-a olan nəticəyə görə, Ukraynada keçirilən növbədənkənar parlament seçkilərində seçici fəallığı 13,61 faiz olub. 

Milli.Az AZƏRTAC-a istinadən bildirir ki, bu barədə Ukrayna Mərkəzi Seçki Komissiyası məlumat yayıb.

Qeyd edək ki, Ukraynada növbədənkənar parlament seçkiləri ilə bağlı səsvermə yerli vaxtla səhər saat 08:00-da başlayıb və axşam saat 20:00-da bağlanacaq.

Mərkəzi Seçki Komissiyası növbədənkənar parlament seçkilərində iştirak etmək üçün 22 partiyadan 2700 namizəd, təkmandatlı seçki dairəsindən isə 3200-dən çox nümayəndə qeydə alıb.

Növbədənkənar parlament seçkilərində 1719 xarici müşahidəçi qeydə alınıb. Bunlardan 1602-si beynəlxalq təşkilatların nümayəndələri, 117-si isə 12 xarici ölkədəndir. Ən çox xarici müşahidəçi ABŞ-dan qeydə alınıb - 42 nəfər.

----------

10:18

Ukraynada nöbədənkənar parlament seçkiləri ilə bağlı səsvermə başlayıb.

Milli.Az AZƏRTAC-a istinadən bildirir ki, yerli vaxtla səhər saat 08:00-da açılan seçki məntəqələri axşam saat 20:00-da bağlanacaq. Səsvermənin gedişi, seçicilərin səsvermədə iştirakı barədə ilkin məlumatlar gün ərzində üç dəfə Mərkəzi Seçki Komissiyası tərəfindən açıqlanacaq.

Səsvermə başa çatan kimi "exit-poll"un nəticələri elan olunacaq.

Mərkəzi Seçki Komissiyası növbədənkənar parlament seçkilərində iştirak etmək üçün 22 partiyadan 2700 namizəd, təkmandatlı seçki dairəsindən isə 3200-dən çox nümayəndə qeydə alıb.

Növbədənkənar parlament seçkilərində 1719 xarici müşahidəçi qeydə alınıb. Bunlardan 1602-si beynəlxalq təşkilatların nümayəndələri, 117-si isə 12 xarici ölkədəndir. Ən çox xarici müşahidəçi ABŞ-dan qeydə alınıb - 42 nəfər.

Seçkilərdə yalnız 5 faizlik baryeri aşan partiyalar iştirak edə biləcəklər. Yerli təşkilatların apardığı sorğuya əsasən, ukraynalıların elektoral rəğbət reytinqində səslərin 49,5 faizini toplayan Prezident Vladimir Zelenskinin "Xalqın xidmətçisi" partiyası liderlik edir. İkinci yerdə "Həyat uğrunda - müxalifət platforması" gedir, ona rəyi soruşulanların 10,5 faizi səs vermək niyyətindədir. Onların ardınca Ukraynanın sabiq Prezidenti Petro Poroşenkonun "Avropa həmrəyliyi" (7,7 faiz), Yuliya Timoşenkonun "Batkivşina" (7,2 faiz) partiyası gəlir. İlk beşliyi ukraynalı müğənni Svyatoslav Vakarçukun "Səs" partiyası (5,9 faiz) tamamlayır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.