Dünya

Ermənistan Mixail Kruqa müharibə elan etdi

29 İyun 2019 20:04
1 Şərh     Baxış: 2 049
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Ermənistan Ədliyyə Nazirliyi bu ölkədə baş verən proseslər fonunda özünü narahat hiss edib və mövcudluğunu orijinal yolla xatırlatmaq qərarına gəlib.

Milli.Az axar.az-a istinadən bildirir ki, qurum hökumətə cinayətkarlıqla bağlı qanun layihəsi təqdim edəcək.

Kriminal mühitin yaradılması və ya onun idarə olunması, kriminal aləmdə könüllu iştirak etmək, bu submədəniyyəti tabe etmək və ya onu yaymaq azadlıqdan məhrumetmə ilə cəzalandırılacaq.

Lakin burada nəşr sual verir: daima "Qızıl üçbucaq", "Vladimirski sentral", eləcə də Kuçin və digərlərinin kriminal aləmə həsr edilmiş mahnılarına qulaq asan taksi sürücüləri nə etsinlər? Əlbəttə, yaxşı olardı ki, onlar Mosartı dinləsinlər, lakin, necə deyərlər, rənglər və zövqlər müzakirə olunmaz.

Nəşr yazır ki, Ermənistanın problemi kriminal submədəniyyətin inkişafında deyil:

"Ermənistan uzun müddətdir oliqarx-feodal quruluşu ilə orta əsrlərdəki dövrə yuvarlanıb. Burada hər məmur özünü Böyük Karl sayır və insanlarla qul kimi davranaraq onlardan rüşvət alır. Ey, Paşinyan, bu qaniçənləri məsuliyyətə cəlb etməyə gücün çatacaq?" - "Aravot" baş nazirə sual ünvanlayır.

Cavab isə hamıya bəllidir: orta əsrlərdə kralı devirən elə özü kral olurdu. Bu səbəbdən erməni xalqına "Kral öldü - yaşasın yeni kral" ifadəsini xatırlatmaq yerinə düşərdi.

Erməni taksi sürücüləri isə isti corab və siqaret yığmağa başlasalar yaxşı olar. Keçmiş erməni məhbusları həbsxanalarda gecələrin uzun və soyuq olduğundan gileylənirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.