Dünya

ABŞ xəstəxanası Səudiyyə şahzadəsini məhkəməyə verib

13 Aprel 2019 18:20

0 Şərh Baxış: 1 024

VTB-də minimal faiz dərəcəsi ilə nağd kredit 9.9%-dən

#ABŞ #SƏUDİYYƏ ƏRƏBİSTANI

Boston uşaq məhkəməsi Səudiyyə Ərəbistanı şahzadəsini məhkəməyə verərək ondan 3,5 milyon dollar təzminat tələb edib.

Milli.Az bildirir ki, musavat.com-un CNN-ə istinadən verdiyi məlumata əsasən, Massaçusets ştatının federal dairə məhkəməsi Səudiyyə Ərəbistanı şahzadəsi Əbdülil bin Əbdüləziz bin Əbdülrəhman Əl-Feysələ, habelə onun şəxsi həkimi və nümayəndəsi Həmdi Davuda qarşı iddia ərizəsini qeydiyyatdan keçirib.

Onların iddiasına görə, şahzadə və onun nümayəndəsi bir xəstə qızın müalicəsi üçün boyun götürdükləri pulu ödəməyiblər. Ümumi məbləğ isə 3,5 milyon dollara qədərdir.

Həmin xəstə onurğa əzələlərinin atrofiyasından əziyyət çəkirmiş. Tibb elmində nadir sayılan bu xəstəliyin müalicəsi ömür boyu çəkir. Lakin buna görə müəlicə xərclərini ödəyəcəyini deyən səudiyyəlilər sadəcə 750 min dolları xəstəxananın hesabına köçürüblər.

Xəstəxana rəhbərliyinin dəfələrlə etdiyi xəbərdarlıqlar isə qulaqardına vurulub.

Milli.Az