Dünya

Quranı yandıran həbs olundu

30 Dekabr 2015 07:52
7 Şərh     Baxış: 2 290
VTB-də minimal faiz dərəcəsi ilə nağd kredit 9.9%-dən

Amerika Birləşmiş Ştatlarının (ABŞ) Missuri əyalətində bir məscidin divarına hədə-qorxu mesajları yazan və 2 Quran kitabını yandıran şəxs barəsində yerli məhkəmə həbs qərarı verdi. Milli.Az anspress-ə istinadən bildirir ki, bu barədə açıqlama verən Ədliyyə Nazirliyi 23 yaşlı Adam Devid Smokun məscid möminlərini hədələdiyi və qoruxtduğu üçün həbsə məhkum olunduğunu deyib.

Nazirliyin açıqlamasında, Smok və 2 dostunun 2011-ci ilin yanvar ayında Missuri əyalətinin Sprinqfild şəhərindəki məscidin divarına təhqir və hədə-qorxu məzmunlu yazılar yazdığı bildirilir. Həmçinin eyni ilin aprel ayında Smokun eyni dostları ilə Qurani Kərim nüsxələrini yandırdığı və hədə-qorxu mesajları ilə məscidin qarşısına atdığı ifadə olunub.

Bu hərəkətləri səbəbəindən məhkəmə Smok barədə 14 günlük həbs qərarı verib. Bundan başqa 5 il polis nəzarətində qalacaq Smok məscidə vurduğu ziyana görə 10 440 dollar cərimə olunub. Məhkəmə həmçinin onun 40 saat ictimai xidmətdə fəaliyyət göstərməsini qərarlaşdırıb.

Daha əvvəl amerikalı rahib Terri Cons da müsəlmanların müqəddəs kitabı Qurani Kərimi yandırmışdı. Onun bu hərəkəti İslam dünyasında hiddətlə qarşılanmış, Amerikanın Əfqanıstanda fəaliyyət göstərən hərbi missiyasının binası bu səbəbdən müsəlmçanların hücumuna məruz qalmışdı.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.