Dünya

İranda qadağan olunmuş eşq qalmaqal yaratdı, Xamneyi reaksiya verdi - FOTO

2 May 2015 12:41

0 Şərh Baxış: 4 477

VTB-də minimal faiz dərəcəsi ilə nağd kredit 9.9%-dən

#IRAN #PORSCHE AUTOMOBİL HOLDİNG SE

İranda hökumətə yaxın din adamının nəvəsinin nişanlı olduğu halda başqa bir qadınla avtomobil qəzasında ölməsi ölkədə qalmaqala səbəb olub.

"Qafqazinfo" xarici KİV-ə istinadən xəbər verir ki, Tehranda saatda 250 kilometr sürətlə gedən və ağaca çırpılan Porsche-də ölən ikinci şəxs isə 20 yaşlı Parivaş Əkbərzadə olub. Ölənlərin kimlikləri açıqlandıqdan sonra isə bu xəbər ölkədə əsl sensassiyaya səbəb olub.

Sosial şəbəkələrdə İranda qadağan olunduğu halda qohumluq bağı olmayan qız və oğlanın gecə vaxtı bir avtomobildə olması, həmçinin xalq sanksiyalardan bu qədər əziyyət çəkərkən vəzifəlilərin uşaqlarının necə bu cür lüks yaşayadıqları müzakirə predmetinə çevrilib.

Araşdırmalar zamanı məlum olub ki, orta gəlirli ailənin qızı olan Parivaş sevgilisinin pulu ilə lüks həyat yaşayıb və bu fotolarını 25 mindən çox təqibçisi olduğu İnstagram hesabında paylaşıb.

İranın ali dini lideri Xamneyi də qəzadan sonra açıqlama verərək "bəzi zəngin uşaqları küçələrdə bahalı avtomobillərdə gəzir. Bu da cəmiyyətdə psixoloji narahatlıq yaradır" sözlərini işlədib: "Oğru, oğru deyə bağırmaqla oğurluğun qarşısını ala bilməzsiniz. Hər kəs oğurluq var deyir, lakin heç kim lazımi addımları atmır. Hökumət artıq buna bir dur deməlidir".

Milli.Az

Böyütmək üçün şəkillərə klikləyin.