Dünya

İtmiş təyyarənin sirri böyüyür - FOTO

30 Dekabr 2014 09:37

0 Şərh Baxış: 5 789

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #DÜNYADA #FOTOREPORTAJLAR #FOTOSESSİYA #ASİA EXCLUDİNG JAPAN #EUROPEAN AERONAUTİC DEFENCE AND SPACE NV

Malayziyanın "Air Asia" aivaşirkətinin QZ 8501 reysi ilə İndoneziyanın Surabaya şəhərindən Sinqapura uçan "Airbus A320-200" sərnişin təyyarəsinin axtarışları davam edir.

Göyərtəsində 162 sərnişin, o cümlədən 17 uşaq olan təyyarə dekabrın 28-də radarlardan itib.

Milli.Az CNN-ə istinadən bildirir ki, İndoneziyanın axtarış-xilasetmə xidmətləri "Air Asia" təyyarəsinin okeana düşdüyü güman olunan bölgədə tüstünün görünməsi ilə bağlı xəbərləri araşdırır.

Xilasetmə missiyasının operativ direktoru Maks Rulandın dediyinə görə, axtarışlar aparılan akvatoriyaya iki "Cessna" təyyarəsi göndərilib: "Axtarış zonası da böyüdülüb və indi sahə baxımından Kaliforniya ştatından artıqdır".

Axtarış missiyasının rəhbəri Henri Bambanq Solistio bəyan edib ki, təyyarənin okeana düşdüyü və suyun dibində olduğu güman olunur. Bununla yanaşı, okeandakı adaların ətrafında da axtarışlar aparılır.

Bu gün axtarışlara ABŞ-ın Hərbi-Dəniz Qüvvələri də qatılacaq. Bu məqsədlə axtarış zonasına "Sampson" minadaşıyan gəmisi göndəriləcək.

"Airbus A320-200" təyyarəsinin pilotları dispetçerlərlə son əlaqə zamanı 2 min metr yüksəkliyə qalxmaq üçün icazə istəyiblər. İndoneziyanın avianaviqasiya xidməti ilk əvvəl manevrə dərhal icazə versələr də, sonra ləğv ediblər. Çünki həmin yüksəklik eşelonunda başqa təyyarə vardı.

Bu danışıqdan dərhal sonra "Air Asia" layneri ilə əlaqə kəsilib.

Əsas versiya təyyarənin qəzaya uğrayaraq İndoneziyanın Belitunq adasının yaxınlığında Yava dənizində batmasıdır. Yava dənizində təyyarə qalıqlarına bənzər əşyalar da tapılıb. Bundan başqa, partlayış zamanı yarandığı söylənən yağ və yanacaq ləkələri ilə bağlı xəbərlər yoxlanılır.

Milli.Az

Böyütmək üçün şəkillərə klikləyin.