Malayziyaya ikinci təyyarə şoku - YENİLƏNİB - VİDEO

17:17

Air Asia şirkətinə məxsus Airbus A320-200 təyyarəsinin axtarışları artıq gecə düşdüyü üçün dayandırılıb.

Milli.Az Day.Az-a istinadən bildirir ki, bu barədə News Asia xəbər yayıb.

"QZ8501 reysinin heç bir izi aşkarlanmayıb. Axtarışlar qaranlıq səbəbindən dayandırılıb", - İndoneziya Nəqliyyat Nazirliyinin məlumatında bildirilir.

Axtarışların sabah yerli vaxtla saat 6:00-da (Bakı vaxtı ilə saat 3:00), hətta hava yaxşı olarsa, daha tez başlanacağı deyilir. 

---------
15:04

Bu gün okeanda itən Malayziya təyyarəsi barədə maraqlı məlumatlar gəlməkdə davam edir.

Milli.Az Day.Az-a istinadən bildirir ki, hazırda İndoneziyanın Nəqliyyat Nazirliyi itən Airbus-un yerə enməsi barədə məlumatları yoxlayır. Bu barədə Detik.com xəbər yayıb.

Portalın məlumatına görə, Airbus 300-216 təyyarəsində olan sərnişinlərdən birinin qohumu bütün insanların sağ olduğu və təyyarənin qəza enişi etdiyi yazılan mesaj aldığını deyib. 

İndoneziyanın hakimiyyət dairələri Airbus 320-216-nın qalıqlarının tapıldığı barədə xəbərləri təkzib edir. Bu barədə The Age nəşrinin müxbiri Maykl Baçelard Twitter səhifəsində yazıb.

"Yerli xilasetmə xidmətlərinin Air Asia təyyarəsinin qalıqlarını tapdıqları barədə hesabatları doğru deyil", - məlumatda bildirilir.

---------
12:39

Belitunq adasının yaxınlığında Air Asia-ya məxsus Airbus A320-200 təyyarəsinin füzelyajının qalıqları tapılıb.

Milli.Az Day.Az-a istinadən bildirir ki, bu barədə Asia One portalı xəbər yayıb.

İndoneziyanın axtarış və xilasetmə xidməti Basarnas həmin qalıqların məhz QZ8501 reysinə aid olduğunu təsdiqləməyib.

Basarnas Malayziyanın Airbus A320-200 təyyarəsi Belitunq adasında 145 km aralıya düşmək ehtimalını doğru sayıb.

Airbus A320-200-də olan sərnişinlərinin qohumları İndoneziya aeroportlarından birinə toplaşıblar.

Air Asia şirkəti təyyarənin göyərtəsində olan sərnişinlərin siyahısını dəqiqləşdirib.

Bu barədə şirkət özünün Facebook səhifəsində məlumat yayıb.

Şirkətin məlumatına görə, təyyarədə 1 Sinqapur, 1 Malayziya, 1 Fransa, 3 Cənubi Koreya və 156 İndoneziya vətəndaşı olub.

Bir müddət öncə Sinqapur aviasiyası məlumat yaymışdı ki, Airbus A320-200, "çox güman ki", Belitunq yaxınlığında suya düşüb. Laynerin göyərtəsində 7 ekipaj üzvü və 155 sərnişin, o cümlədən 17 uşaq olub.
 
Astroawani-nin bəyanatına görə, Air Asia-nın qəzaya uğrayan təyyarəsini yanacağı qurtarıbmış. Bu barədə indoneziyalı məurlar mətbuat konfransında bildiriblər.

----------
12:10

İndoneziya Air Asia aviaşirkətinin təyyarəsinin düşməsi ehtimal olunan yerə iki helikopter və altı xilasetmə gəmisi göndərib. Trend-in RİA Novosti agentliyinə istinadən verdiyi məlumata görə, xəbəri yerli Jakarta Globe qəzeti yayıb.

--------
10:13

Radarlardan itmiş Malayziyanın Air Asia şirkətinin təyyarəsi hava burulğanlığına düşüb və kursu dəyişdirməyə cəhd edərkən Belitunq adasının yaxınlığında suya düşüb. Trend-in RİA Novosti agentliyinə istinadən verdiyi məlumata görə, bunu İndoneziyanın Milli axtarış-xilasetmə xidmətinin ictimayyətlə əlaqələr şöbəsinin rəisi Supriandi Minqqu bildirib.

Onun sözlərinə görə, axtarış-xilasetmə komandası artıq Belitunq adasına yollanılıb.

---------
09:41

Malayziyanın Air Asia şirkətinin təyyarəsi pis hava şəraitinə görə Belitunq adasının yaxınlığında suya düşüb. Trend-in RİA Novosti agentliyinə istinadən verdiyi məlumata görə, bu barədə yerli KİV-lər yazır.

Xatırladaq ki, bazar günü göyərtəsində 162 nəfərə yaxın insan olan təyyarə ilə əlaqə kəsilib.

Cakartanın dispetçer məntəqəsi yerli vaxtla saat 6:17-da QZ 8501 reysi ilə əlaqəni itirib.

İndoneziya nəqliyyat nazirliyinin nümayəndəsinin sözlərinə görə, təyyarənin pilotları əlaqə kəsiləndən əvvəl qeyri-adi marşrut tələb ediblər.

---------
09:11

Malayziyanın Air Asia şirkətinin təyyarəsi ilə bazar günü əlaqə kəsilib, onun göyərtəsində 162 nəfərə yaxın insan olub. Trend RİA Novosti agentliyinə istinadən bildirir ki, bu barədə İndoneziyanın Metro TV telekanalı xəbər verir.

İndoneziyanın Surabaya şəhərindən Sinqapura uçan Malayziya Air Asia şirkətinin təyyarəsi ilə aviadispetçer xidməti əlaqəni itirib. Cakartanın dispetçer məntəqəsi yerli vaxtla saat 6:17-da QZ 8501 reysi ilə əlaqəni itirib.

İndoneziya nəqliyyat nazirliyinin nümayəndəsinin sözlərinə görə, təyyarənin pilotları əlaqə kəsiləndən əvvəl qeyri-adi marşrut tələb ediblər.

Milli.Az

---------
12:29

Videonu izləmək üçün şəklə klikləyin.