Dünya

Gürcüstanda siyasi böhran: daha bir istefa

5 Noyabr 2014 10:59
0 Şərh     Baxış: 1 214
VTB-də minimal faiz dərəcəsi ilə nağd kredit 9.9%-dən
#GÜRCÜSTAN

Baş nazir istefaların davam edəcəyini istisna etməyib

Gürcüstanda müdafiə naziri İrakli Alasaniyanın istefaya göndərilməsindən sonra Avrointeqrasiya işləri üzrə nazir Aleksi Petriaşvili də istefa edəcəyini bildirib.

Anspress-in məlumatına görə, Petriaşvili "Diktatura yaxınlaşır, demokratiya təhlükədədir. Sabah mən yazılı şəkildə baş nazirə istefa barədə müraciət edəcəm", - deyə öz son müsahibəsində bildirib.

Öz növbəsində yeni istefaya göndərilən keçmiş müdafiə naziri də şikayətlənib. Alasaniya "Bu gün, görünür ki, Gürcüstanın bütün qərbyönlü gücləri birləşməlidir. Bu gün biz partnyorlarımıza göstərməliyik ki, Gürcüstan cəmiyyəti qərbyönlü istiqamətdə birləşib, göstərməliyik ki, Ukraynada yaşanan təxribat Gürcüstanda keçməyəcək", - deyə bildirib.

Verdiyi müsahibədə Alasaniya həbs ediləcəyini də istisna etməyib. "Mən heç nəyi istisna etmirəm. Məni siyasi lider kimi həbs etmək istəyi varsa, qoy etsinlər", - deyə eks-nazir bildirib.

Buna baxmayaraq, Alasaniya istefaya göndərilməsində eks-baş nazir Bidzina İvanişvilinin əli olmasının mümkünlüyünü şərh etməkdən imtina edib. Belə ki, ölkədə baş almış şayiələrə görə, İvanişvili işdən azad olsa da ölkəni idarə etməkdə davam edir.

Qeyd edək ki, Gürcüstan prezidenti Georgi Marqvelaşvili və baş nazir də istefalar barədə münasibət bildiriblər. Onların hər ikisi müdafiə nazirinin istefaya göndərilməsinin NATO-ya inteqrasiya prosesində ləngimələrə gətirib çıxaracağını təkzib etməyib. Lakin baş nazir istefaların davam edəcəyinin mümkünlüyünü qeyd edib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.