Dünya

Poroşenko xüsusi statusları ləğv etdirəcək

4 Noyabr 2014 12:57
0 Şərh     Baxış: 904
VTB-də minimal faiz dərəcəsi ilə nağd kredit 9.9%-dən
#DÜNYADA #UKRAYNA

Bu gün prezident Petro Poroşenkonun təşəbbüsü ilə Ukrayna Milli Təhlükəsizlik və Müdafiə Şurasının toplantısı keçiriləcək

APA-nın "112.ua" saytına istinadən verdiyi xəbərə görə, P. Poroşenko noyabrın 3-də axşam xalqa müraciətində Donbassın ayrı-ayrı rayonlarının xüsusi statusu haqqında qanunun ləğvi barədə məsələ qaldıracağını bəyan edib.

Dövlət başçısı bildirib ki, problemin həllində sülh yolu prioritet olsa da, yığıncaqda Ukraynanın müdafiə qabiliyyətinin möhkəmləndirilməsi müzakirə olunacaq: "Hadisələrin bizim istəyimizə zidd şəkildə cərəyan etməsi ehtimalını nəzərə alaraq biz təhlükəsizliyimizi intensiv şəkildə möhkəmləndirməyə davam edəcəyik".

Prezident Donbassın separatçıların nəzarətində olan hissəsinə xüsusi status verilməsi haqqında oktyabrın 18-də qüvvəyə minən qanunun ləğvi məsələsini qaldıracağını da açıqlayıb.

Xatırladaq ki, separatçılar noyabrın 2-də nəzarət etdikləri ərazilərdə "seçki" keçiriblər. Bu addım Ukraynanın, eləcə də ABŞ və Avropa Birliyinin kəskin etirazına səbəb olub. Rusiya isə separatçıların addımını dəstəkləyib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.