Dünya

Türkiyədə mədəndə xilasetmə işləri davam edir

30 Oktyabr 2014 14:50
0 Şərh     Baxış: 936
VTB-də minimal faiz dərəcəsi ilə nağd kredit 9.9%-dən
#TÜRKİYƏ
Türkiyənin Karaman vilayətinin Ermenek şəhərindəki mədəndə dağıntılar altında qalmış mədənçilərin xilas edilməsinə çox az ümid qalır.

Trend-in "TRT Haber" telekanalına istinadən verdiyi məlumata görə, bunu Türkiyənin energetika və təbii sərvətlər naziri Taner Yıldız deyib.

Onun sözlərinə görə, mədəndə xilasetmə işləri bütün sutka ərzində aparılır.

Qeyd edək ki, oktyabrın 28-də Ermenek şəhərindəki kömür mədənində süxurun dağılması, daha sonra isə mədəni su basması ilə nəticələnən qəza baş verib.

Hazırda mədəndə 18 işçi qalıb. Onların taleyi barədə hələlik heç nə məlum deyil.

Qəzanın baş verdiyi anda mədəndə 40-a yaxın işçi olub. Onların əksəriyyəti mədəni vaxtında tərk edə bilib.

Dağıntı və subasma 375 metr dərinlikdə baş verib. Xilasedicilər yerin altında qalmış 18 mədən işçisinin su basmamış bölmələrdə gizlənə bildiklərinə ümid edirlər. Su basmış mədəndə suyun hündürlüyü 50 metrə çatır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.