Dünya

Bayrağı qaldırdı - üzr istədi - FOTO

30 Oktyabr 2014 10:45
0 Şərh     Baxış: 1 299
VTB-də minimal faiz dərəcəsi ilə nağd kredit 9.9%-dən
#AMERİKA #TÜRKİYƏ

Türkləri təhqir edən ABŞ yazarı Nyu-Yorkda Türkiyə bayrağını qaldırdı

Türkiyə Cümhuriyyətinin quruluşunun 91-ci ildönümü ABŞ-ın Nyu-York şəhərində də qeyd edilib.

Anspress-in məlumatına görə, maliyyə mərkəzi "Wall Street"dəki "Bowling Green Park"da keçirilən tədbirdə Türkiyənin Nyu-Yorkdakı səfiri Ertan Yalçın və ABŞ türk icmalarının nümayəndələri iştirak ediblər.

Tədbirdə "Midnight Express" (Gecəyarısı Ekspresi) kitabı ilə eyni adlı filmə ilham mənbəyi olan və Türkiyənin beynəlxalq arenada imicini zədələyən yazar Billi Heys də iştirak edib. Türkiyənin dövlət bayrağını öz əli ilə dirəyə qaldıran Heys yazdıqlarına görə peşman olduğunu deyib.

Türk xalqının bağışlayıcılığına sığındığını deyən Heys kitabda yazdıqlarının filmdə göstərilənlərdən fərqli olduğunu, türk xalqına zərər vermək istəmədiyini və baş verənlərə görə peşman olduğunu bildirib. Yazar həmçinin Türkiyə bayrağını dirəyə qaldırmağın özü üçün üzr və rahatlıq mənbəyi olacağını deyib.

Qeyd edək ki, 1977-ci ildə nəşr olunan kitabda Türkiyədən ABŞ-a narkotik aparmaqda ittiham olunaraq həbs olunan amerikalının Türkiyə həbsxanasında başına gələnlərdən bəhs olunur. 1978-ci ildə əsər əsasında film çəkilib və həmin kino 6 nominasiya üzrə 52-ci Akademiya mükafatına namizəd göstərilsə də sadəcə 2 mükafat ala bilib.

Milli.Az

Böyütmək üçün şəkillərə klikləyin.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.