Dünya

Baş nazirin mühafizəçiləri bivec çıxdı - VİDEO - FOTO

28 Oktyabr 2014 10:10

0 Şərh Baxış: 2 355

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #VİDEO

Britaniyanın baş naziri Devid Kemerona Lids şəhərində hücum olub.

Britaniya dəmir yollarının infrastrukturunun inkişafına, Lids və Mançester şəhərləri arasında yeni dəmiryol xəttinin çəkilməsinə həsr olunmuş konfransa qatılmaq üçün şəhərə gəlmiş Devid Kemeron "Leeds Civic Hall"u tərk edərkən hücuma məruz qalıb.

Milli.Az Daily Mail-ə istinadən bildirir ki, Devid Kemeron şəhər bələdiyyə binasından çıxaraq yolu keçəndə və avtomobilinə doğru yönələndə qəflətən bir kişi irəli yüyürüb, baş naziri itələyib.

Baş nazirin mühafizəçiləri 28 yaşlı kişini dərhal itələyiblər, Kemeronu isə maşına oturdublar.

Devid Kemerona hücum edən yerli sakin tutulub.

Lids polisindən verilən məlumata görə, bu şəxs buraxılıb: "O, səhər idman edirdi və qaçırdı. Dediyinə görə, baş naziri tanımayıb və onunla səhvən toqquşub".

Britaniyada isə olay qalmaqal yaradıb. Çünki yoldan keçənin, daha doğrusu, qaçanın Devid Kemeronla çox asanlıqla "toqquşa" bilməsi baş nazirin mühafizə xidmətinin bərbad, yarıtmaz fəaliyyətindən xəbər verir.

"Bu adamda silah, yaxud zəhər olsaydı, nə baş verəcəkdi?! Baş nazirin mühafizəçiləri niyə belə bivec işləyirlər?!" - The Times yazır.

Ekspertlər isə deyirlər ki, əynində qara gödəkçə olan adamın çox asanlıqla baş nazirə yaxınlaşması və hətta onun toxunması mühafizə xidmətinin rüsvayçılığı, qeyri-peşəkarlığıdır.

Milli.Az

Böyütmək üçün şəkillərə klikləyin.