Dünya

ABŞ-da "Ebola"ya yoluxduğu ehtimal edilən uşaq xəstəxanaya yerləşdirildi

27 Oktyabr 2014 20:02

0 Şərh Baxış: 727

VTB-də minimal faiz dərəcəsi ilə nağd kredit 9.9%-dən

#AMERİKA

Bu yaxınlarda Qvineyadan gəlmiş 5 yaşlı oğlan uşağı "Ebola" virusunun əlaməti olan yüksək hərarətə görə Nyu Yorkdakı xəstəxanaların birində tibbi müayinədən keçir.

Trend-in RİA Novosti-yə istinadən verdiyi məlumata görə, "Belvyu" xəstəxanasının həkimləri uşağın səhhətinə nəzarət edirlər.

O, hazırda təcrid olunmuş vəziyyətdədir və "Ebola"ya görə testdən keçməyib. Digər məlumata əsasən, uşağın ailəsinin 5 üzvü öz evlərində karantinə alınıb.

İndiyədək ABŞ-da "Ebola" virusundan liberiyalı Tomas Dunkan ölüb.

Ümumdünya Səhiyyə Təşkilatının oktyabrın 25-nə olan məlumatına görə, dünyada 10 141 nəfərdə "Ebola" virusu aşkarlanıb, bu xəstəlikdən ölənlərin sayı isə 4922-yə çatıb.

Milli.Az