Dünya

Kerry İrana xəbərdarlıq etdi

9 Aprel 2015 21:20

0 Şərh Baxış: 922

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN

ABŞ-ın dövlət katibi John Kerry İranın Yəməndəki husi qiyamçılarına dəstəyi barədə şaiyələrlə əlaqədar Tehrana xəbərdarlıq edib.

O deyib ki, ABŞ Yaxın Şərqdə İran tərəfindən təhdid olunduğunu hiss edən hər hansı bir dövləti dəstəkləyəcək və İranın regionu sabitsizləşdirmək cəhdlərinə biganə qalmayacaq.

ABŞ hazırda husi qiyamçılarını geri oturtmağa və prezident Əbdrəbbuh Mənsur Hadini səlahiyyətlərində bərpa etməyə çalışan Səudiyyə koalisiyasını dəstəkləyir.

İran şiəməzhəb husi qiyamçılarına dəstək verdiyi barədə iddiaları rədd edir.

Buna baxmayaraq İran çərşənbə günü Ədən körfəzinə iki hərbi gəmi göndərib.

Hərbi dəniz donanmasının komandanı, kontr-admiral Həbibullah Səyyari deyib ki, gəmilər körfəzə dəniz yollarının mühafizəsi üçün ezam edilib.

John Kerry PBS Newshour proqramına verdiyi müsahibədə deyib ki, İranın husilərə dəstək verdiyi aşkardlr və İrandan Yəmənə hər həftə təyyarə uçur.

Bu arada İran prezidenti Həsən Ruhani Səudiyyə koalisiyasının Yəmən üzərində hava zərbələrinin dayandırılmasına çağırıb.

"Böyük Yəmən xalqı bombardmana boyun əyməyəcək, - deyib Ruhani, - Gəlin hamımız müharibəni qurtarmaq barədə düşünək".

Milli.Az