Dünya

Bakı ən məşhur MDB şəhərlərindən biri oldu

14 Yanvar 2014 15:24
Baxış: 835
VTB-də minimal faiz dərəcəsi ilə nağd kredit 9.9%-dən
#AZERBAİJAN

Ukrayna 2013-cü ildə rusiyalıların səyahət etdikləri ən populyar MDB ölkəsidir

Trend-in məlumatına görə, bu barədə "İnterfaks-Turizm" çərşənbə axşamı mehmanxanaların onlayn sifarişi xidməti üzrə Rusiyanın aparıcı Oktogo.ru servisinə istinadən xəbər verir.

Daha sonra rusiyalıların populyarlıq reytinqində Belarus, Moldova, Azərbaycan, Ermənistan və Özbəkistan gəlir.

2013-cü ildə rusiyalıların səfər etdikləri ən populyar MDB şəhərlərinin ilk "onluğ"una Kiyev, Minsk, Odessa, Kişinyov, Almatı, Bakı, Lvov, Astana, Yerevan və Daşkənd daxil olub.

Oktogo.ru servisinin reytinqi ötən il rusiyalılar tərəfindən MDB ölkələrində mehmanxanalara edilən sifarişlərə əsasən tərtib olunub.

Travel.ru (Oktogo) şirkətinin Əməliyyat şöbəsinin rəhbəri Olqa Favarizova deyir: " İnternet vasitəsilə sifarişlər əsasında MDB şəhərlərinə rusiyalıların səyahətləri 2012-ci illə müqayisədə 2013-cü ildə iki dəfədən çox artıb".

O qeyd edib ki, ötən il rusiyalılar MDB-yə orta hesabla üçgünlüyə səyahət ediblər və bir günlük yaşamaq üçün mehmanxanaya 3,4 min rubl ödəyiblər.

Oktogo.ru saytının məlumatına görə, rusiyalılar MDB üzrə etdikləri səfərlərin 70 faizini Ukraynaya, 20 faizini Belarusa, üç faizini Qazaxıstana, iki faizini Moldovaya, bir faiz və daha az isə digər MDB ölkələrinə ediblər. Rusiyalı turistlər keçən il Ukraynada öz istirahətlərini müstəqil təşkil edərək orta hesabla dördgünlüyə gəliblər və mənzilə görə gündə təxminən 3,1 min rubl ödəyiblər.

Oktogo.ru-nun məlumatına görə, Qazaxıstanın paytaxtı Astana rusiyalıların yaşayış xərcləri üzrə MDB-nin ən bahalı şəhəri olub. Moldovanın paytaxtı Kişinyov ən ucuz büdcəyə malikdir. Astanada rusiyalılar yaşayışa görə gündə orta hesabla 6,3 min rubl, Astanada gündə 2,7 min rubl ödəyiblər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.