Dünya

GUAM PA Tbilisidə regional münaqişələrlə bağlı sənəd qəbul etdi

3 Dekabr 2013 14:57
Baxış: 910
VTB-də minimal faiz dərəcəsi ilə nağd kredit 9.9%-dən
#GUAM

Dekabrın 3-də Tbilisidə GUAM Parlament Assambleyasının (PA) iclasında iki sənəd qəbul edilib

Trend-in məlumatına görə, birinci sənəd GUAM ölkələrinin kommünikesidir. İkinci sənəd isə Baltik ölkələri PA-nın və Polşanın qoşulduğu bəyanatdır.

Qəbul edilən sənədlərdə GUAM iştirakçı ölkələri qarşısında dayanan əsas məqsədlər əks olunub. Həmin sənədlərdə əsas diqqət regional münaqişələrlə bağlı məsələlərə ayrılıb.

GUAM PA-nın sərdi Zurab Abaşidze bildirib ki, sənəddə Şərq Tərəfdaşlığı proqramına dəstək əks olunub: "Moldova və Gürcüstanın uğurları göz qabağındadır. Sənədlərdə qeyd edilir ki, heç bir dövlətin suveren və müstəqil ölkələrin seçiminə müdaxilə etmək hüququ yoxdur".

Onun sözlərinə görə, sənədlərdə münaqişələrə xüsusi diqqət ayrılıb. Öz növbəsində, həmin münaqişələr GUAM dövlətləri ilə bağlıdır.

Z.Abaşidze qeyd edib ki, Azərbaycan, Gürcüstan və Moldova bu problemlə üz-üzədir: "Sənədlərdə həmin dövlətlərin ərazisində digər ölkələrin Silahlı Qüvvələrinin yerləşməsi pislənilir. Bundan başqa, Gürcüstan tərəfinin tələbi ilə sənədə Gürcüstanda işğal xətti boyunca məftil çəpərlərin quraşdırılması məsələsi daxil edilib və bu, qəbul edilən sənədlərlə qınanılır".

Tbilisidə GUAM ölkələrinin Parlament Assamleyasının ikigünlük iclası keçirilir. Gürcüstan hazırda təşkilatın fəaliyyətdə olan sədridir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.