Dünya

Məşhur milyarder 3-cü arvadını boşadı - FOTOSESSİYA

21 Noyabr 2013 10:07

0 Şərh Baxış: 2 730

#FOTOREPORTAJLAR #NEWS CORP

Dünyanın ən məşhur iş adamlarından biri, News Corp-un sahibi, mediamaqnat Rupert Merdok 3-cü arvadı Vedi Denqi boşayıb.

Milli.Az CNN-ə istinadən bildirir ki, 13,4 milyard dollarlıq sərvətin sahibi olan 82 yaşlı Merdokla 44 yaşlı Denqin boşanma prosesi dünən Nyu-York məhkəməsində başa çatıb.

"Boşanmamızla bağlı bütün məsələlərin nizamlandığını bildiririk", - Merdok və Denqin imzaladıqları birgə açıqlamada deyilir.

Hər iki tərəfin vəkilləri proseslə bağlı şərh verməyiblər.

Ruper Merdok boşadığı Vendi Denqlə 1997-ci ildə tanış olmuşdu. Yel Universitetini yenicə başa vurmuş Denq o zaman News Corp.-da təcrübə keçirdi.

Merdok o zaman 2-ci arvadı Anna Torv ilə evli idi. Denqlə tanış olandan sonra Merdok 2-ci arvadından ayrıldı və Denq ilə yaşamağa başladı.

Merdokun Torvdan ayrılması dünya tarixinin ən bahalı boşanmalarından biri idi, çünki mediamaqnat arvadına təzminat qismində 1,7 milyard dollar ödəməli olmuşdu.

Həmin boşanma 1999-cu ildə başa çatmış və proses bitəndən bir ay sonra Merdokla Denq evlənmişdilər.

2001-ci ildə bu izdivacda Merdokun Qreys, 2003-cü ildə isə Xloya adlı qızı doğulmuşdu.

Rupert Merdokun əvvəlki nikahlardan 4 övladı var.

Milli.Az

Böyütmək üçün şəkillərə klikləyin.