Dünya

Biabırçılıq: aviaşirkət əlili təhqir etdi

30 İyul 2013 12:07
0 Şərh     Baxış: 1 478
VTB-də minimal faiz dərəcəsi ilə nağd kredit 9.9%-dən
#DELTA AİR LİNES INC (DE)
ABŞ vətəndaşı Baraka Kanaan "Delta Airlines" aviaşirkətini məhkəməyə verib. Onun dediyinə görə, uçuşdan sonra onun əlil arabasına oturmasına kimsə yardım etməyib.

Milli.Az ABC-yə istinadən bildirir ki, fəlsəfə elmləri professoru, ABŞ-ın Havay adasındakı qeyri-kommersiya təşkilatlarından birinin rəhbəri B.Kanaan hadisənin ötən ilin iyulunda baş verdiyini bildirib.

İddia ərizəsinə görə, əlil professor Massaçusetsə uçuşdan bir neçə həftə əvvəl "Delta Airlines" aviaşirkəti ilə əlaqə saxlayaraq əlil olduğu və bu səbəbdən də əlavə xidmətə ehtiyac duyduğunu bildirib.

2000-ci ildə avtomobil qəzasına düşəndən sonra Kanaan əlil arabasına məhkum olub.

"Aviaşirkətin menecerləri də mənə gərəkli xidmət göstəriləcəyini dedilər. Massaçusetsə enəndə isə bəlli oldu ki, təyyarədə mənə yerə enməyə imkan verəcək xüsusi avadanlıq yoxdur.

Stüardessaya müraciət edərək nə etməyimin gərəkdiyini soruşanda isə kobud cavab verdi: "Bilmirəm! Sizi təyyarədən endirə bilmərik". Naçar qalıb trapla sürünərək aşağı düşdüm və əlil arabama oturdum. Əynimdə isə ən yaxşı kostyumum vardı. Havay adalarına qayıdanda da eyni vəziyyət oldu. Amma bu dəfə pilləkənə karton qoydular ki, əynimi bulamayım.

Aviaşirkətdən şikayətlənəndə isə mənə 100 dollar pul və 25 min pulsuz hava mili təklif etdilər. Bu, rüsvayçılıq, biabırçılıqdır", - professor B.Kanaan söyləyib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.