Dünya

Şimali İrlandiyada etiraz aksiyaları genişlənib

13 Yanvar 2013 15:07

0 Şərh Baxış: 484

VTB-də yüksək depozit faizleri daha çox qazandırır

#EUROPE #UNİTED KİNGDOM #IRELAND

Şimali İrlandiyada bayraq qalmaqalı ilə bağlı ictimai narazılıqlar davam edir. Belfastda 1000-ə yaxın protestant Belfast şəhər meriyası qarşısına yürüş edərək, Britaniya bayrağının ucaldılması vaxtlarının azaldılmasına qarşı etirazını bildiriblər.

Anspress xəbər verir ki, maskalanmış katolik fəallar etirazçıların üzərinə şüşə qab, daş və digər vasitələr atıblar. Kütləvi küçə davaları başlayıb. Polis iğtişaşları yatırmaq üçün küçələrə ağır texnika yeridib. Hətta rezin güllələrdən istifadə olunduğu bildirilir. Rəsmi məlumata görə, toqquşmalar zamanı azı 16 polis əməkdaşı xəsarət alıb.

Qeyd edək ki, Şimali İrlandiyada, Belfast rəhbərliyi bayraqla bağlı qalmaqallı qərar çıxarmasından sonra, protestantlar və Britaniyanın bütövlüyünün tərəfdarı olanlar qanunsuz aksiyalar keçirir. Qərara əsasən, Britaniya bayrağı hökumət binasında əvvəlki kimi daimi deyil, yalnız ildə 18 gün ucaldıla bilər.

Milli.Az