Dünya

Özbəkistan Prezidenti ŞƏT-də ərzaq, su və enerji təhlükəsizliyi üzrə yeni mexanizm yaradılmasını təklif edib

1 Sentyabr 2026 15:56

Baxış: 254

VTB-də minimal faiz dərəcəsi ilə nağd kredit 9.9%-dən

Özbəkistan ərzaq, su və enerji təhlükəsizliyinin təmin olunması istiqamətində səylərin əlaqələndirilməsi üçün Şanxay Əməkdaşlıq Təşkilatında (ŞƏT) yeni mexanizmin yaradılmasını, o cümlədən 2035-ci ilədək su ehtiyatlarından və enerjidən istifadənin səmərəliliyinin artırılması proqramının hazırlanmasını təklif edib.

Milli.Az Trend-ə istinadən xəbər verir ki, Özbəkistan Prezidenti Şavkat Mirziyoyev bu təkliflə Bişkekdə keçirilən ŞƏT-in 25-ci yubiley sammitində çıxış edib və iqlimə və resurslara artan təzyiq fonunda daha sıx regional əlaqələndirmənin zəruriliyini vurğulayıb.

Dövlət başçısı bildirib ki, ŞƏT ərzaq, su və enerji təhlükəsizliyi sahəsində kompleks proqramların əlaqələndirilməsinə, üzv dövlətlər arasında texnologiyaların ötürülməsinə və təcrübə mübadiləsinə cavabdeh olan xüsusi mexanizmlə vahid gündəm hazırlamalıdır.

Bu təşəbbüs çərçivəsində Özbəkistan 2035-ci ilədək su ehtiyatları və enerjidən səmərəli istifadə sahəsində ŞƏT-in Texnoloji Əməkdaşlıq Proqramının hazırlanmasını təklif edib.

Müəllif: Malik Məlikov (Milli.Az redaktor)