Dünya

Tramp İranla razılaşmanın şərtlərini sərtləşdirib

31 May 2026 19:53
Baxış: 233
VTB-də minimal faiz dərəcəsi ilə nağd kredit 9.9%-dən
#DONALD TRAMP

ABŞ Prezidenti Donald Tramp İranla mümkün razılaşma üzrə əvvəlki təklifə dəyişikliklər edərək daha sərt şərtlər irəli sürüb.

Milli.Az xəbər verir ki, Tramp administrasiyası İranla müharibədən sonra mümkün razılaşma layihəsini yenidən nəzərdən keçirib və yenilənmiş təklifi Tehrana göndərib. Məlumata əsasən, ABŞ tərəfi danışıqlarda daha sərt mövqe tutaraq İrana əlavə təzyiq göstərmək və razılaşmanı sürətləndirmək niyyətindədir.

Məqalədə qeyd olunur ki, Tramp İranın ABŞ təkliflərinə kifayət qədər sürətli reaksiya vermədiyini hesab edir. Bu səbəbdən Vaşinqtonun təqdim etdiyi yeni çərçivədə əvvəlki layihə ilə müqayisədə daha ciddi tələblərin yer aldığı bildirilir. Lakin yenilənmiş şərtlərin detalları açıqlanmır.

Qeyd edək ki, bundan əvvəl ABŞ və İran arasında mümkün razılaşmanın Hörmüz boğazının açılması, nüvə proqramı, zənginləşdirilmiş uran ehtiyatları və iqtisadi məhdudiyyətlər kimi məsələləri əhatə etdiyi bildirilmişdi. Bununla belə, Tehran hələlik yekun razılaşmanın əldə olunduğunu təsdiqləməyib. (APA)

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.