Dünya

Bu ölkə turistlər üçün vizasız qalma müddətini azaldır

19 May 2026 17:52
Baxış: 390
VTB-də minimal faiz dərəcəsi ilə nağd kredit 9.9%-dən

Tailand 90-dan çox dövlətin vətəndaşları üçün tətbiq olunan vizasız rejim müddətini iki dəfə azaltmağı planlaşdırır.

Milli.Az xəbər verir ki, bu barədə "The Nation" nəşri məlumat yayıb.

Bildirilir ki, müvafiq qərar hökumətin çərşənbə axşamı keçirilən toplantısında təsdiqlənib. Qeyd olunur ki, 60 günlük vizasız müddətin ləğv olunacağı dövlətlər üçün əvvəlki qaydalar bərpa ediləcək: yəni onlar Tailandda vizasız 30 gün qala biləcəklər.

Bəzi ölkələr üçün isə qısamüddətli turizm məqsədi ilə vizasız giriş müddəti 15 günə qədər qısaldıla bilər.

"Yalnız sərhəd keçidini asanlaşdırıb kütləviliyi təmin etmək əvəzinə, təhlükəsizliyin gücləndirilməsi və xarici turizmin tərəqqisi üçün viza prosedurlarına daha həssas yanaşılması tapşırılıb", - deyə ölkənin baş naziri bəyan edib.

Qeyd edək ki, 60 günlük vizasız qayda 2024-cü ildə turist axınını təşviq etmək məqsədilə qüvvəyə minmişdi. Bu qaydanın ləğvinə səbəb kimi vizasız imkandan istifadə edərək turizm adı altında başqa məqsədlərlə Tailanda səfər edən xaricilərin çoxalması göstərilir./oxu.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.