Dünya

Ev qiymətinə kənd aldılar

16 May 2026 10:16

Baxış: 354

VTB-də minimal faiz dərəcəsi ilə nağd kredit 9.9%-dən

Britaniyalı cütlük Ben və Neytan Pirson Fransanın Sent-Serqos bölgəsində tərk edilmiş bir kəndi təxminən 69 min funt-sterlinqə (təxminən 220 min manat) satın alaraq yeni həyat qurmaq qərarına gəlib.

Milli.Az Qafqazinfo-ya istinadən xəbər verir ki, əmlaka bir böyük ferma evi, beş əlavə tikili və təxminən iki hektar torpaq sahəsi daxildir.

Cütlüyün məqsədi bölgəyə köçərək kəndi tam bərpa edib yaşayış üçün yararlı hala gətirmək olsa da, təmir prosesi gözlənildiyindən xeyli baha başa gəlib və ciddi maliyyə çətinlikləri yaradıb.
Məlumata görə, ilkin olaraq 100 min funt-sterlinq büdcə ilə başlayan bərpa işləri cəmi 10 ay ərzində tamamilə tükənib. Xərclərin əsas hissəsinin elektrik sisteminin yenilənməsi, su xəttinin çəkilməsi və septik çən kimi əsas infrastruktur işlərinə sərf olunduğu bildirilir.

Keçmiş mühəndis olan Ben Pirson layihəni tamamlamaq üçün əlavə olaraq ən azı 100-150 min funt-sterlinqə ehtiyac duyduqlarını açıqlayıb.

Tikinti prosesi boyunca çətin şəraitlə üzləşən cütlük ilk dörd ayı tövləyə yerləşdirilən vaqon tipli evdə yaşamaq məcburiyyətində qalıb. On aylıq işlərə baxmayaraq, hazırda kənddəki binalardan yalnız bir yataq otağı və bir qonaq otağı istifadəyə yararlı vəziyyətə gətirilib.
Cütlük yaxın aylarda mətbəxin də istifadəyə verilməsini planlaşdırır, lakin layihənin ümumi gələcəyi əlavə maliyyə tapılmasından asılı olaraq qeyri-müəyyən olaraq qalır.

Məlumata görə, İngiltərədən gətirilən şəxsi yığımlar, əsasən, layihəyə yönəldilib və əlavə vəsait təmin olunmasa, bərpa işlərinin hansı mərhələdə tamamlanacağı hələlik bilinmir.

Milli.Az

Milli.Az - Xəbər Portalı

Ev qiymətinə kənd aldılar

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?