Dünya

İranda əsl söz sahibi kimdir: Xamenei, Pezeşkian, Qalibaf, yoxsa SEPAH?

23 Aprel 2026 16:16

Baxış: 1 567

VTB-də minimal faiz dərəcəsi ilə nağd kredit 9.9%-dən

#IRAN

ABŞ və İsraillə davam edən hərbi gərginlik fonunda İranın siyasi elitası daxilində güc balansı olduqca mürəkkəb bir quruluşa malikdir.

Milli.Az xəbər verir ki, bu barədə BBC-nin materialında bildirilir.

Ölkənin yeni Ali rəhbəri Müctəba Xamenei bütün strateji məsələlərdə son sözü deyən şəxsdir. Amma martın əvvəlində Ekspertlər Şurası tərəfindən təyin olunandan bəri ictimaiyyət qarşısına çıxmayıb, yeni video və ya fotoşəkilləri yoxdur.

Ortada görünməməsinə baxmayaraq, İranın yüksək vəzifəli rəsmiləri ABŞ ilə danışıqlar üzrə nümayəndə heyəti birbaşa Müctəba Xameneinin göstərişləri altında işlədiyini iddia edir.

Son həftələrdə siyasi arenada ən çox görünən fiqurlar parlament sədri Məhəmməd Baqir Qalibaf və xarici işlər naziri Abbas Əraqçi də daxil olmaqla, Xarici İşlər Nazirliyinin rəsmiləridir. Qalibafın müharibə dövründə təsiri ənənəvi hərbi funksiyalardan kənara çıxan İslam İnqilabı Keşikçiləri Korpusu (SEPAH) ilə sıx əlaqələri var. SEPAH faktiki olaraq Prezident Məsud Pezeşkianın hökumətinə paralel hökumət kimi fəaliyyət göstərir.

Prezident Pezeşkiana gəlincə, o, rəsmi açıqlamalar verməyə davam etsə də, BBC-nin analitikləri onun real təsir dairəsini şübhə altına alırlar.

Hazırkı vəziyyətdə İranın idarəetmə sistemi bir neçə güc mərkəzinin mozaikasına bənzəyir, burada diplomatik qanad, hərbiləşdirilmiş strukturlar və kölgədəki ali rəhbər ölkənin xarici-daxili siyasətini tarazlaşdırmağa çalışır./Teleqraf

Milli.Az