Dünya

Bu ölkədə hotellər, dövlət qurumları BAĞLANIR - Səbəb

8 Fevral 2026 15:04
Baxış: 1 252
VTB-də minimal faiz dərəcəsi ilə nağd kredit 9.9%-dən
#DÜNYADA #KUBA #YANACAQ

Kubada uzun müddətdir davam edən yanacaq çatışmazlığı səbəbindən bir sıra hotellər fəaliyyətini dayandırıb.

Milli.Az qafqazinfo-ya istinadən xəbər verir ki, bağlanan hotellərdə qalan turistlər digər mehmanxanalara yerləşdirilib.

Kuba Baş nazirinin müavini Oskar Perez-Olivia dövlət televiziyasına açıqlamasında enerji istehlakının azaldılması, turizm obyektlərindən daha səmərəli istifadə və mövcud turizm mövsümünün qorunması məqsədilə tədbirlər planının hazırlandığını bildirib.

Onun sözlərinə görə, özəl şirkətlərin yanacaq idxalına icazə verilməsi üçün prosedurlar sadələşdiriləcək, bəzi bankların iş saatları dəyişdiriləcək, Havana Beynəlxalq Kitab Sərgisi kimi tədbirlər isə təxirə salınacaq.

Nəqliyyat naziri Eduardo Rodriges daxili və beynəlxalq uçuşların davam edəcəyini, hava limanları və limanların fəaliyyətinin dayandırılmayacağını qeyd edib.

Hökumətin böhrana cavab tədbirləri çərçivəsində məsafədən iş rejimi tətbiq olunur, bəzi dövlət qurumları müvəqqəti bağlanır, universitet dərsləri yenidən planlaşdırılır. Xarici valyuta ilə yanacaq satan məntəqələr fəaliyyətini davam etdirəcək, lakin satışlar nəqliyyat vasitəsi başına maksimum 20 litrlə məhdudlaşdırılacaq.

Kuba Prezidenti Migel Dias-Kanel fevralın 6-da verdiyi açıqlamada ABŞ-nin neft embarqosunu tənqid edərək, dekabr ayından etibarən ölkəyə xaricdən yanacaq tədarük olunmadığını bildirib. O, bu siyasətin Kubaya qarşı təzyiq məqsədi daşıdığını vurğulayıb.

Qeyd edək ki, ABŞ Prezidenti Donald Tramp yanvarın 30-da Kubaya neft satan ölkələrə qarşı tariflərin tətbiqini nəzərdə tutan sərəncam imzalayıb. Ağ Ev qərarın ABŞ-nin milli təhlükəsizlik maraqları ilə əsaslandırıldığını açıqlayıb. Kuba tərəfi isə Vaşinqtonun neft tədarükü ilə bağlı iddialarını rədd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.