Dünya

İsrail "Rəfah" nəzarət-buraxılış məntəqəsini açıb

2 Fevral 2026 15:09

Baxış: 944

VTB-də minimal faiz dərəcəsi ilə nağd kredit 9.9%-dən

#İSRAİL

Qəzza zolağı ilə Misir arasındakı "Rəfah" nəzarət-buraxılış məntəqəsi insanların hərəkəti üçün məhdud rejimdə yenidən açılıb.

Milli.Az xəbər verir ki, bu barədə İsrailin Kan dövlət teleradio şirkəti məlumat yayıb.

Məlumata görə, Misir tərəfi hər gün Qəzza zolağına daxil olmaq istəyən 50 sakinlə bağlı siyahını təqdim edəcək və təhlükəsizlik yoxlamasından sonra onların növbəti gün keçidinə icazə veriləcək. Eyni zamanda, Avropa nümayəndələri Qəzzanı tərk etmək istəyən 150 sakin və onların son təyinat məntəqəsi barədə məlumatları Misirə təqdim edəcək, Misir tərəfi isə bu müraciətləri təsdiqləyə və ya rədd edə biləcək.

Fevralın 1-də İsrail hökumətinin Fələstin ərazilərində fəaliyyətlərin əlaqələndirilməsi üzrə idarəsi (COGAT) "Rəfah" keçid məntəqəsinin fevralın 2-də sakinlərin hər iki istiqamətdə məhdud hərəkəti üçün açılacağını bəyan edib. Bundan əvvəl İsrail hakimiyyəti keçidin fevralın 1-də açılacağını bildirmiş, giriş və çıxışın Misirlə koordinasiya əsasında, İsrailin təhlükəsizlik xidmətlərinin ilkin yoxlamasından sonra və Avropa İttifaqının missiyasının nəzarəti altında həyata keçiriləcəyini vurğulamışdı.

Qeyd edək ki, oxşar mexanizm "Rəfah" keçid məntəqəsinin əvvəlki açılışı zamanı, 2025-ci ilin yanvarında da tətbiq olunmuşdu.

Ayxan
Milli.Az