Dünya

ABŞ Suriyada YPG ilə tərəfdaşlığını rəsmi olaraq bitirdi

20 Yanvar 2026 22:02
Baxış: 910
VTB-də minimal faiz dərəcəsi ilə nağd kredit 9.9%-dən
#SURİYA

ABŞ-nin Suriya üzrə xüsusi nümayəndəsi Tom Barrak tarixi bir bəyanatla çıxış edib. O, Suriyada artıq legitim bir dövlətin olduğunu bildirərək, YPG-nin İŞİD-ə qarşı mübarizədə əsas tərəfdaşlıq statusunu itirdiyini elan edib.

Milli.Az xəbər verir ki, ABŞ Suriya Demokratik Qüvvələri (SDG) ilə hərbi tərəfdaşlığını rəsmən dayandırdığını açıqlayıb.

Vaşinqton YPG/SDG qüvvələrini Suriyanın yeni mərkəzi hökumətinə (Dəməşqə) inteqrasiya olunmağa çağırıb.

YPG-nin əsas anti-İŞİD qüvvəsi olma funksiyasının başa çatdığı vurğulanıb.

Tom Barrak qeyd edib ki, əvvəllər Suriyada tərəfdaşlıq ediləcək işlək bir dövlət mexanizmi yox idi, lakin indi vəziyyət fərqlidir:

"Suriya artıq İŞİD-ə qarşı Qlobal Koalisiyaya qoşulan (90-cı üzv kimi), Qərbə yönələn və terrorla mübarizədə ABŞ ilə əməkdaşlıq siqnalı verən tanınmış mərkəzi hökumətə (Prezident Əhməd Şara rəhbərliyində) malikdir."

18 yanvarda imzalanan sazişə əsasən, prosesin aşağıdakı şəkildə getməsi nəzərdə tutulur:

SDG döyüşçüləri fərdi qaydada milli orduya daxil ediləcək.

Neft yataqları, bəndlər və sərhəd keçid məntəqələri mərkəzi hökumətə təhvil veriləcək.

İŞİD məhbuslarının saxlanıldığı düşərgə və həbsxanalar Şamın nəzarətinə keçəcək.

ABŞ rəsmisi vurğulayıb ki, yeni Suriya dövlətinə inteqrasiya kürdlər üçün əvvəlki yarı-muxtariyyətdən daha qalıcı hüquqlar vəd edir:

Əvvəllər vətəndaşlığı olmayan kürdlərə tam hüquqlar veriləcək.

Kürd dili və mədəniyyəti konstitusiya ilə qorunacaq (məsələn, kürd dilində təhsil, Novruzun milli bayram kimi qeyd olunması).

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.