Dünya

Dünyanın ən uzun sualtı tuneli: 18 kilometrlik nəhəng yol

14 Yanvar 2026 21:00
Baxış: 1 544
VTB-də minimal faiz dərəcəsi ilə nağd kredit 9.9%-dən
#DÜNYADA

Bu layihə Danimarka (Lolland adası) və Almaniyanı (Fehmarn adası) Baltik dənizinin altından bir-birinə bağlayacaq. 2029-cu ildə açılması planlaşdırılan bu tunel sayəsində bərə ilə 45 dəqiqə çəkən yol, avtomobillə cəmi 10 dəqiqəyə, qatarla isə 7 dəqiqəyə düşəcək.

Milli.Az xəbər verir ki, tunel 4 zolaqlı avtomobil magistralından və 2 xətli elektrikləşdirilmiş dəmir yolundan ibarətdir.

Layihənin ümumi dəyəri təxminən 16.5 milyard manatı aşır. Avropa Birliyi də layihəyə 1.3 milyard avro dəstək verir.

Tunel dənizin dibi qazılaraq deyil, quruda hazırlanan nəhəng beton blokların dənizə endirilib birləşdirilməsi ilə tikilir. Cəmi 89 ədəd nəhəng blok "Lego" kimi bir-birinə keçiriləcək.

Hər bir tunel parçasının çəkisi 73 500 tondur. Bu, 13 mindən çox filin və ya 50 "Eyfel qülləsi"nin ağırlığına bərabərdir.

Hamburq və Kopenhag şəhərləri arasındakı qatar səfəri 4.5 saatdan 2.5 saata qədər qısalacaq.

Avropadan Skandinaviya ölkələrinə gedən yük qatarları artıq 160 kilometrlik əlavə dolanbac yoldan xilas olacaqlar.

Sualtı tunel dəniz nəqliyyatına (gəmilərə) heç bir maneə törətməyəcək və ən müasir yanğın/havalandırma sistemləri ilə təchiz ediləcək.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.