Dünya

İran silah alışında kriptovalyuta ilə ödəniş təklif edir

2 Yanvar 2026 12:05
Baxış: 791
VTB-də minimal faiz dərəcəsi ilə nağd kredit 9.9%-dən
#IRAN #KRİPTOVALYUTA

İran Qərb sanksiyalarından yayınmaq üçün silah alışında kriptovalyuta ilə ödəniş təklif edir.

Milli.Az xəbər verir ki, "Financial Times"ın məlumatına görə, İran xarici hökumətlərə ballistik raketlər, pilotsuz uçuş aparatları (PUA) və hərbi gəmilər də daxil olmaqla, qabaqcıl silah sistemlərini kriptovalyuta ilə almağı təklif edir.

İran Müdafiə Nazirliyinin "Mindex" kimi tanınan İxrac Əməliyyatları Mərkəzi ödənişi rəqəmsal valyutalarla, həmçinin barter sövdələşmələri və İran rialı ilə nəzərdə tutan hərbi müqavilələri müzakirə etməyə hazır olduğunu bəyan edir.

Nəşrin təhlil etdiyi reklam materialları və ödəniş şərtləri bunu sübut edir.

Son bir il ərzində ortaya çıxan bu təklif, görünür, bir dövlətin strateji hərbi texnika ixracı üçün ödəniş qismində kriptovalyuta qəbul etməyə hazır olduğunu açıq şəkildə bəyan etdiyi ilk məlum hallardan biridir.

Qeyd edilir ki, İranın müdafiə ixracına cavabdeh olan bu qurum 35 ölkə ilə əməkdaşlıq etdiyini bildirir. Onların təqdim etdiyi məhsullar arasında "Emad" ballistik raketləri, "Shahed" pilotsuz uçuş aparatları, "Şəhid Süleymani" tipli hərbi gəmilər və qısa mənzilli HHM sistemləri yer alır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.